2025-ci il fevralın 4-dən aprelin 18-dək Ermənistanda ehtiyatda olan hərbçilərin təlim-məşq toplanışlarının keçirilməsi planlaşdırılır.
Müvafiq qərar layihəsi Ermənistan Respublikasının Müdafiə Nazirliyi tərəfindən hüquqi aktların layihələrinin dərci üçün vahid internet saytında təqdim olunub.
Bildirilir ki, qərar layihəsinin qəbulu ehtiyatda olan rütbəli zabitlərin və birinci qrup ehtiyatda olan zabitlərin hərbi vərdişlərinin təkmilləşdirilməsi, təlim-tərbiyə və hazırlıq səviyyəsinin artırılması, zərurət yarandıqda ehtiyatda olan zabitlərin döyüş növbətçiliyinə cəlb edilməsi zərurətindən irəli gəlir.
Təlim məşğələləri zamanı hər bir vətəndaş 25 təqvim günündən çox olmayan müddətə cəlb edilir.
