Xəzər dənizində axtarış əməliyyatı başa çatıb və həlak olan 14 qazax əsgərinin hamısının cəsədi tapılıb.
Bu barədə Qazaxıstan Müdafiə Nazirliyinin mətbuat xidməti məlumat yayıb.
25 sentyabrda, yerli vaxtla səhər saat 9:15 radələrində itkin düşmüş son iki şəxs - çavuş Mansur Qumarov və matros Miras Turdıbekulunun cəsdələri tapılıb.
Xatırladaq ki, sentyabrın 24-də Manqistau bölgəsində Xəzər sahilində keçirilən hərbi-dəniz təlimləri zamanı hava qəfildən pisləşib.
Güclü külək 17 hərbçini dənizə aparıb. Onlardan 14-ü həlak olub, 3-ü isə xilas edilib.
