Rusiya Qara dənizdə naviqasiya təhlükəsizliyinin təmin edilməsi üçün mümkün tədbirlərlə bağlı Türkiyə ilə məsləhətləşmələr aparır.
Bunu Rusiyanın Ankaradakı səfiri Sergey Verşin "Cumhuriyet" qəzetinə verdiyi müsahibədə deyib.
Diplomat bildirib ki, "Qara dənizdə gəmiçiliyin və kommersiya naviqasiyasının qorunmasını təmin etmək üçün mümkün tədbirlər barədə türkiyəli həmkarlarımızla əlaqə saxlamağa davam edirik. Bu tədbirlər mülki gəmilərin hərbi məqsədlər üçün istifadə edilməməsinin yoxlanılması və monitorinqi üçün etibarlı mexanizmlər tələb edir".
Sulardakı hücumlardan danışan Verşinin qeyd edib ki, iyun ayında Qara dəniz də daxil olmaqla, Rusiyaya "düzəlməz iqtisadi ziyan" vurmaq üçün əməliyyat elan edən və gəmiçiliyə hücumları artıran məhz Kiyev olub.
Səfir Rusiyanın borclu qalmayacağını vurğulayaraq, mövcud vəziyyətin sahilyanı dövlətlərə, dəniz gəmiçiliyinə, logistikaya və nəqliyyata mənfi təsir göstərdiyini əlavə etdi.
