veten informasiya agentliyi

Cıdır düzündəki yazılara tarixçi-alimdən etiraz

Tarix:6-09-2026, 13:00
Baxış Sayı:6



Qarabağ Azərbaycanın tarixini, mədəniyyətini və incəsənətini özündə birləşdirən bir örnək, Vətənimizin baş tacıdır. Baş tacımızın incisi isə Şuşa hesab olunur. Uzun müddət işğal altında olan Qarabağ torpaqlarımız Müzəffər Ali Baş Komandan İlham Əliyevin rəhbərliyi, qəhrəman oğullarımızın şücaəti ilə azad olundu. Daha sonra antiterror əməliyyatı ilə Azərbaycanın ərazi bütövlüyü bərpa edildi. Bu o demək idi ki, Azərbaycan yenidən öz şanını-şöhrətini, mənliyini qaytarmış oldu.
Bu fikirləri tarix üzrə fəlsəfə doktoru, Şəkidən olan ziyalı Rahim Həsənov Cıdır düzündə maddi-mədəniyyət nümunələrimiz olan qaya və daşların üzərinə yazılanlardan təsirlənərək ifadə edib.

“Cıdır düzündə qaya və daşlara doğrudan da şəhid və qazi adları yazanlar bunu təəssübkeşlikdən irəli gələrək etsələr də, digər tərəfdən nəzərə almaq lazımdır ki, dünyada divar, qaya və daş üzərində yazılar hansı nöqteyi-nəzərdən baxılırsa baxılsın, alt mədəniyyət, yəni subkultura hesab olunur. Ona görə də belə addımlar yolverilməzdir və qarşısı alınmalıdır”, - deyə tarixçi-alim bildirib.

O hesab edir ki, ümumiyyətlə, tarixi abidələr, maddi-mədəniyyət nümunələri haqqında əhali arasında geniş maarifləndirmə işlərinin aparılmasına zərurət var. Belə yazılara əksər hallarda tarixi abidələrin divarlarında, mədəniyyət ocaqlarının hasarlarında da rast gəlinir. Bu baxımdan insanların məlumatlandırılması, izahat işlərinin aparılması gələcək işlərin faydasına olar.

Rahim Həsənov deyir ki, bu təbəqədən olan insanların adları küçələrə, meydanlara verilirsə, daş-qayalara deyil, tarixdə yaşadılmalı və təbliğ edilməlidir. Bu mənada Azərbaycan dövləti şəhidlərin xatirəsinin yaşadılması üçün yetərincə işlər görür, hətta xarici ölkələrdə belə bununla bağlı layihələr həyata keçirilir. Eyni zamanda, şəhidlərin tarixi qəhrəmanlığı haqqında sənədli filmlər çəkilir, reportajlar hazırlanır, əsərlər çap olunur.(Azərtac)

Bu gün Ədliyyə işçilərinin peşə bayramıdır
Bu gün Ədliyyə işçilərinin peşə bayramıdır
Gürcüstan surroqat analığı qadağan edir
Gürcüstan surroqat analığı qadağan edir
Ukraynada elektrik böhranı: Beş bölgə işıqsız qaldı
Ukraynada elektrik böhranı: Beş bölgə işıqsız qaldı
100 nəfərlik məclisdə atışma oldu - 9 yaralı var
100 nəfərlik məclisdə atışma oldu - 9 yaralı var
Bahalı kürüyə pul xərcləməyə dəyərmi? – Həkimdən vacib tövsiyə
Bahalı kürüyə pul xərcləməyə dəyərmi? – Həkimdən vacib tövsiyə
9 mərtəbəli binada qaz dəhşəti: 20-yə yaxın sakin zəhərləndi
9 mərtəbəli binada qaz dəhşəti: 20-yə yaxın sakin zəhərləndi
İran daha bir ABŞ PUA-sını vurdu
İran daha bir ABŞ PUA-sını vurdu
Azərbaycan və İordaniya arasında qarşılıqlı viza tələbi ləğv edildi
Azərbaycan və İordaniya arasında qarşılıqlı viza tələbi ləğv edildi