Azərbaycan Mərkəzi Bankı maaş və pensiya kartları bazarında rəqabətin artırılması istiqamətində yeni mexanizmlər hazırlayır.
Bunu bunu Azərbaycan Mərkəzi Bankının (AMB) sədri Taleh Kazımov Azərbaycan Dövlət Televiziyasına və APA-ya müsahibəsində bildirib.
O, sentyabr-oktyabr aylarında maaş və pensiya kartları üzrə yeni yanaşmaların tətbiq ediləcəyini elan edib.
"Hazırda texniki işlər görülür", - deyə Mərkəzi Bankın sədri qeyd edib.
T.Kazımov bu addımın rəqabətliliyin artırılmasına təkan verəcəyini deyib.
Qeyd edək ki, o, yeniliyin nədən ibarət olduğuna isə aydınlıq gətirməyib.
