Türkiyənin İstanbul Prokurorluğunun musiqiçi Haluk Leventin təsis etdiyi “Ahbap” dərnəyi ilə bağlı apardığı istintaq davam edir.
Türkiyə mediasının məlumatına görə, istintaq çərçivəsində jurnalist Uğur Dündar, sənətçi və rejissor Mahsun Kırmızıgül, müğənni-aktrisa Gülben Ergen, aktrisa Elçin Sanqu və rok ifaçısı Hayko Cepkin ifadə verməyə çağırılıb.
Sözügedən şəxslərin hansı statusda ifadə verəcəyi və istintaqın hansı istiqamətdə davam etdiyi hələlik məlum deyil.
Qeyd edək ki, araşdırma çərçivəsində daha əvvəl “Ahbap” dərnəyinin təsisçisi Haluk Levent və “Babala TV”nin yaradıcısı Oğuzhan Uğur saxlanılmışdı.
