Amerika "X-Bow Systems" şirkəti pilotsuz uçuş aparatlarının (PUA) ələ keçirilməsi üçün yeni "Buckler" raketini təqdim edib.
Məmulatın qiyməti yüz min dollardan çox olmayacaq.
Supersəs raketi ABŞ-da üçüncü qrupa aid edilən PUA-ların məhv edilməsi üçün nəzərdə tutulub. Bunlar çəkisi 25-600 kiloqram olan və 5,5 min metrədək hündürlükdə uçan aparatlardır. Rusiyanın "Geran" dronları bu sinfə aid edilir. Bundan əlavə, "Buckler" səsdən yavaş qanadlı raketləri də ələ keçirə bilir.
İstehsalçı bildirib ki, bu yaxınlarda ələkeçirici uğurlu uçuş sınaqlarından keçib. Bundan sonra Pentaqon məmulat haqqında məlumat istəyib. Nəşrin yazdığına görə, nisbətən aşağı qiymət raketin əsas üstünlüyüdür.
Qeyd edək ki, "AeroVironment" şirkətinin oxşar "Freedom Eagle-1" raketi 150-200 min dollar, qısa mənzilli "Stinger" məmulatları isə 120 min dollara başa gəlir.
"Şirkətin vəd edilmiş performans, əlverişlilik və istehsal miqyasının kombinasiyasını təmin edə bilib-bilməyəcəyi hələ də məlum deyil", - deyə məlumatda qeyd olunur. Bununla yanaşı, müəllif qeyd edib ki, indi anti-dron bazarına daxil olmaq üçün mükəmməl zamandır.
