Türkiyənin Adana vilayətinin Saimbeyli rayonunda 5 maqnitudalı zəlzələ baş verib.
Türkiyə Fövqəladə Halların İdarə olunması Agentliyinin (AFAD) məlumatına görə, zəlzələ 7 kilometr dərinlikdə qeydə alınıb.
Geologiya üzrə mütəxəssis, professor Osman Bektaş zəlzələdən sonra Adana bölgəsi ilə bağlı xəbərdarlıq edib.
Bektaş bildirib ki, Kahramanmaraş blokunun şərq və şimalındakı böyük faylar 2023-cü ildə qırılıb, lakin qərb sərhədində Savrun fay xətti qırılmadan qalıb və 2023-cü ildən etibarən Saimbeyli ətrafındakı zəlzələlərlə hərəkətini davam etdirir.
Onun sözlərinə görə, Adana üçün zəlzələ təhlükəsi davam etməkdədir.
