Azərbaycanda aparılan molekulyar-genetik ekspertizalar nəticəsində Birinci Qarabağ müharibəsində itkin düşmüş 327 nəfərin şəxsiyyəti müəyyən olunub.
Bu barədə Dövlət Təhlükəsizliyi Xidməti (DTX) rəisinin müavini, general-leytenant Şərafət Həsənov “İtkin düşmüş şəxslər məsələsinin həllində müasir yanaşmalar və əməkdaşlığın gücləndirilməsi” mövzusunda keçirilən beynəlxalq konfransda bildirib.
Onun sözlərinə görə, müəyyən edilmiş şəxslərdən 226 nəfərin kimliyi ictimaiyyətə açıqlanıb, nəşləri ailələrinə təhvil verilərək dəfn olunub:
“Yaxın günlərdə şəxsiyyəti müəyyən edilmiş daha bir neçə itkin-şəhidin nəşinin ailələrinə təhvil verilməsi planlaşdırılır”.
