ABŞ-ın İrandakı hədəflərə zərbələr endirmək üçün həyata keçirdiyi hərbi əməliyyat başa çatıb.
Bu barədə "Fox News" telekanalının jurnalisti Cennifer Qriffin “X” sosial şəbəkəsində ABŞ müdafiə sahəsindəki nümayəndəsinə istinadən məlumat verib.
Onun həmsöhbəti əməliyyatın nəticələri və ya vurulan obyektlər barədə başqa təfərrüatlar açıqlamayıb.
Daha əvvəl CENTCOM ABŞ Hərbi Hava Qüvvələrinin Hörmüz boğazı rayonunda İrana zərbələr endirdiyini təsdiqləmişdi. Dəqiqləşdirilmişdi ki, Vaşinqton bu qərarı Tehranın Hörmüz boğazı yaxınlığında "M/T Kiku" tankerini vuraraq atəşkəsi pozmasından sonra qəbul edib. Amerika aviasiyası hərbi kəşfiyyat obyektlərinə, rabitə sistemlərinə, hava hücumundan müdafiə mövqelərinə, pilotsuz uçuş aparatlarının anbarlarına və dəniz minalarının yerləşdirilməsi vasitələrinə hücum edib.
