Konqo Demokratik Respublikasında "Ebola" virusu can almaqda davam edir. Ölkədə virusa yoluxanların sayı 933-ə, ölənlərin sayı isə 245-ə çatıb.
Səhiyyə naziri Samuel Rocer Kambanın sözlərinə görə, hazırda 416 nəfər xəstəxanalarda müalicə alır, 80 nəfər isə sağalaraq evə buraxılıb. Ölüm faizi 26 faiz səviyyəsindədir.
Nazir bildirib ki, xəstəliyin erkən aşkarlanması və təmaslı şəxslərin izlənməsi istiqamətində işlər gücləndirilib. Eyni zamanda, əhalinin səhiyyə sisteminə etimadının artdığı qeyd olunub. "Ebola" xəstələrinin müalicəsi üçün ayrılan çarpayıların sayı 516-ya çatdırılıb, müalicə mərkəzlərinin imkanları isə genişləndirilir.
