5 İyun – Su Təsərrüfatı və Meliorasiya İşçilərinin Peşə Bayramı münasibətilə İsmayıllı Su Meliorasiya Sistemlərinin İstismarı İdarəsində tədbir keçirilib.
Tədbiri giriş sözü ilə açan idarə rəisi Anar Alızadə əməkdaşları peşə bayramı münasibətilə təbrik edərək, su təsərrüfatı və meliorasiya sahəsində çalışan mütəxəssislərin ölkənin su ehtiyatlarının səmərəli idarə olunması, meliorasiya və irriqasiya sistemlərinin etibarlı istismarı, eləcə də kənd təsərrüfatının inkişafına verdikləri mühüm töhfələrdən bəhs edib.
Çıxışlarda qeyd olunub ki, su təsərrüfatı və meliorasiya işçilərinin fədakar əməyi kənd təsərrüfatının inkişafında, torpaqların münbitliyinin qorunmasında və əhalinin su təminatının yaxşılaşdırılmasında mühüm rol oynayır.
Tədbirin sonunda idarənin bir qrup əməkdaşına göstərdikləri səmərəli fəaliyyətə, vəzifə borclarını layiqincə yerinə yetirdiklərinə və peşə bayramı münasibətilə təşəkkürnamələr təqdim olunub
