Bu gün ETİHİ İsmayıllı Rayon Komitəsinin üzv təşkilatı İ. Həsənov adına İsmayıllı şəhər 1 nömrəli tam orta ümumtəhsil məktəbində ömrünü məktəbin təmizliyi, səliqə sahmanına həsr eləmiş texniki işçi Heydərova Akifə Sabir qızının çalışmanın son yaş həddi 65 yubiley yaşının tamam olması münasibətilə tədbir keçirildi.
Tədbirdə İsmayıllı Rayon Təhsil Sektorunun müdiri Rəşid Məmmədli, ETİHİ İsmayıllı Rayon Komitəsinin sədri Hafiz Kərimov və kollektiv üzvləri iştirak etdilər.
Uzun illər ərzində məktəbin təmizliyi, səliqəsi və rahatlığı , işçilərin əmək şəraitini yaxşılaşdırmaq üçün zəhmət çəkmiş, ömrünün 35 ilindən çoxunu məktəbdə xadimə işləyən Akifə Heydərova haqqında iş yoldaşları , iştirak edən qonaqlar səmimi hisslərlə təbriklərini bildirərək ona xoş istirahət arzuladılar. Yubilyar ETİHİ Rayon Komitəsinin səmərəli fəailiyyətinə və yubiley yaşının tamam olması münasibətilə fəxri fərmanı və qiymətli hədiyyəsi ilə mükafatlandırıldı.
