10 may tarixinə olan məlumata görə, Avropa ölkələrində yeraltı qaz anbarlarının doluluq səviyyəsi 35,05 faizə düşüb.
Bu barədə Avropanın qaz infrastrukturu operatorları assosiasiyasının hesabatında qeyd olunub.
Məlumata görə, hazırda anbarlarda təxminən 35 milyard kubmetr qaz var. Bu göstərici 2025-ci ilin eyni dövrü ilə müqayisədə 29,1 faiz bəndi azdır. Eyni zamanda, son beş ilin orta göstəricisindən 12,4 faiz bəndi aşağıdır.
Bildirilir ki, qaz anbarlarının doluluq səviyyəsi bundan daha aşağı göstəricini yalnız 2021-ci ildə (31,36%) görüb.
Ekspertlərin fikrincə, Avropa qışa hazırlaşmaq və anbarları doldurmaq üçün ABŞ-dan əlavə 10-15 milyon ton mayeləşdirilmiş təbii qaz (MTQ) almalı olacaq. Mütəxəssislər 2026-cı ildə regionun bu yanacağa olan ehtiyacının daha da artacağını proqnozlaşdırırlar.
