Paytaxtın Xəzər rayonunun Stansiya Qala adlanan yaşayış massivində məskunlaşan sakinlərin artıq uzun müddətdir ki, evlərinin zirzəmisindən və bünövrə hissəsindən mənşəyi məlum olmayan su sızır.
Onların sözlərinə görə, üzə çıxan su çirkab deyil, əksinə təmiz suya bənzəyir.
Məsələ ilə bağlı aidiyyəti qurum İri Şəhərlərin Birləşmiş Su Təchizatı Xidməti açıqlama verərək bildirilib ki, əraziyə yerli sukanal idarəsinin qəza briqadası göndərilib və yerində araşdırma aparılıb.
Qurumdan verilən məlumata əsasən, baş verən axıntının səbəbi yeraltı qrunt sularıdır. Hazırda isə ərazidə toplanan yağış və qrunt sularının kənarlaşdırılması istiqamətində müvafiq tədbirlər görülür.
