Gəncə-Daşkəsən Regional Təhsil İdarəsinin təşkilatçılığı ilə təhsilverənlərin sertifikatlaşdırılması prosesi ilə bağlı maarifləndirici görüşlərə başlanılıb.
Yerli təhsil sektorları tərəfindən təşkil edilən bu görüşlər çərçivəsində ümumi təhsil müəssisələrində çalışan və 2026-cı ildə keçiriləcək sertifikatlaşdırma prosesində iştirak edəcək təhsilverənlərlə silsilə görüşlər təşkil olunur.
Görüşlər zamanı təhsilverənlərə sertifikatlaşdırma prosesinin mərhələləri, qiymətləndirmə meyarları, imtahanın təşkili qaydaları, eləcə də imtahan zamanı diqqət yetirilməli əsas məqamlar barədə ətraflı məlumat verilib. Bununla yanaşı, iştirakçıların onları maraqlandıran suallar cavablandırılıb, praktiki tövsiyələr verilib.
Maarifləndirici görüşlərin keçirilməsində əsas məqsəd təhsilverənlərin sertifikatlaşdırma prosesi barədə məlumatlılığını artırmaq, onların bu prosesə psixoloji və metodiki baxımdan daha hazırlıqlı şəkildə qatılmasına dəstək göstərməkdir.
