Rusiyanın Labinsk sənaye zonasındakı neft anbarında dron hücumu yanğına səbəb olub.
Bu barədə Krasnodar diyarı əməliyyat qrupu məlumat yayıb.
Rəsmi məlumatlara görə, itki olmayıb.
Daha əvvəl Ukraynanın Telegram monitorinq kanalı “Exilenova+” neft anbarına edilən hücum barədə məlumat vermiş və hadisə yerində alov sütununun olduğunu göstərən görüntülər yayımlamışdı.
Ukrayna ordusu hələlik neft anbarına edilən hücumu təsdiqləməyib.
