İranın cənubundakı Minab şəhərindəki qızlar məktəbinə düşən raketin qalıqlarında ABŞ sursatları ilə uyğun izlər var. Ehtimal ki, bunlar "Tomahawk" qanadlı raketin parçalarıdır.
Bu barədə "The New York Times" qəzeti yazıb.
"Tomahawk" raketləri ABŞ Hərbi Dəniz Qüvvələrinin xidmətindədir. Əvvəllər Pentaqonun 48 saatlıq əməliyyat zamanı bu cür sursatlara milyardlarla dollar xərclədiyi bildirilib.
Qeyd edək ki, Minabdakı qızlar ibtidai məktəbinə hücum ABŞ-İsrail hərbi əməliyyatının ilk günündə, 28 fevralda baş verib. Nəticədə hamısı uşaq olmaqla 165 nəfər həlak olub.
