İran yenidən İsrailin mərkəzi ərazilərinə ballistik raket zərbələri endirib.
Bu barədə “Times of Israel” qəzeti məlumat yayıb.
Həkimlərin sözlərinə görə, İranın İsrailin mərkəzi ərazilərinə endirdiyi son ballistik raket zərbəsi nəticəsində itki barədə məlumat yoxdur .
İsrail ordusunun (İDF) məlumatına görə, yaylım atəşi zamanı az sayda raket atılıb.
Polisin məlumatına görə, kasetli bomba başlığından ayrılan raket qəlpələri və sursatları bir neçə yerə düşərək ziyan vurub
Fövqəladə hallar xidmətinin bildirdiyinə görə, şəhərin mərkəzinə endirilən zərbə yerlərindən birində yanğın başlayıb. Təl-Əviv və ətraf rayonlara edilən hücum zamanı İsrailin mərkəzi hissəsində hava həyəcanı siqnalları səslənib.
İDF-nin Arxa Cəbhə Komandanlığı elan edib ki, hava həyəcanı siqnallarının çalındığı ərazilərdə yaşayan vətəndaşlar artıq sığınacaqları tərk edə bilərlər, lakin onların yaxınlığında qalmalıdırlar.
