Alimlər Yer kürəsində cəhənnəm iqliminin hökm sürə biləcəyini proqnozlaşdırırlar.
Elm adamları qlobal istiləşmənin Yer kürəsinin iqlimini geri dönməz şəkildə dəyişdirə biləcəyini hesab edirlər.
"The Guardian" yazıb ki, qlobal istiləşmə yeni bir iqlimə keçid prosesini başlada və dünyada "cəhənnəm iqlimi" hökm sürə bilər. Bu isə Yer kürəsində indiyədək gözlənilən 2-3 dərəcəlik temperatur artımından daha ağır nəticələr deməkdir. Bir sözlə, yaxın gələcəkdə Yer kürəsinin "istixana"ya çevrilmək ehtimalı var.
ABŞ-dakı Yerüstü Ekosistem Tədqiqat Assosiasiyasının alimi Kristofer Volfun sözlərinə görə, kritik dəyişikliklərin nə vaxt baş verəcəyini dəqiq proqnozlaşdırmaq olduqca çətindir. O qeyd edib ki, iqlim dəyişikliyi mütəxəssislərin proqnozlaşdırdığından daha sürətlə irəliləyir.
