ABŞ prezidenti Donald Tramp ölkəyə üç yeni ştatın qoşulması ilə bağlı zarafat edib.
“Washington Post” qəzeti bu məsələyə diqqət çəkib.
Şənbə günü keçirilən şam yeməyində Amerika lideri Qrenlandiyanı ələ keçirmək planlarının olmadığını, onu almaq istədiyini söyləyib.
“Mən heç vaxt Qrenlandiyanı 51-ci ştat etmək niyyətində olmamışam. Kanadanı 51-ci ştat etmək istəyirəm. Qrenlandiya 52-ci ştat olacaq. Venesuela 53-cü ştat ola bilər”,- Tramp deyib.
Nəşr qeyd edib ki, açıqlama yumoristik tərzdə verilib.
Daha əvvəl Tramp Kanada, Venesuela və Qrenlandiyanın ABŞ-a birləşdirilmiş ərazilərini göstərən bir şəkil paylaşmışdı. Şəkildə o, Ağ Evdəki Avropa liderlərinə bu ərazilərin Amerika bayrağının rəngləri ilə rəngləndiyi xəritəni göstərir.
