Avropa Birliyi nə vaxtsa Ermənistandan Rusiya əleyhinə kurs tutmasını tələb edəcək.
Bunu Rusiya Xarici İşlər Nazirliyinin Avropa məsələləri departamentinin rəhbəri Vladislav Maslennikov deyib.
“Müəyyən bir məqamda Brüssel istənilən namizəd ölkədən açıq şəkildə Rusiya əleyhinə xarici siyasət xətti tutmasını tələb etməyə başlayacaq. Lakin Brüsselin bütün tələblərinin yerinə yetirilməsi belə AB üzvlüyünə zəmanət vermir, ümid edirəm ki, İrəvan bundan xəbərdardır. Baltikyanı ölkələrin nümunəsi açıq şəkildə göstərir ki, AB-yə qoşulmaq, xüsusən də onun hazırkı vəziyyəti nəzərə alınmaqla, iqtisadi artım və rifahın qarantı deyil”, - o bildirib.
