Ukraynadakı münaqişənin həlli ilə bağlı ABŞ-ın təkliflərinə cavab olaraq hazırlanmış Avropa əks-planının yekun mətni Zaporojye Atom Elektrik Stansiyasının (AES) Kiyevin nəzarətinə təhvil verilməsini nəzərdə tutmur.
Bu barədə "TASS" məlumat yayıb.
Böyük Britaniya, Almaniya və Fransa (Avropa üçlüsü) tərəfindən hazırlanan sənəddə AES-in Beynəlxalq Atom Enerjisi Agentliyinin nəzarəti altında yenidən işə salınacağı bildirilir.
Təklifdə vurğulanır ki, istehsal olunan enerji Rusiya və Ukrayna arasında bərabər bölünməlidir.
Qeyd edək ki, daha əvvəl Avropa İttifaqı Ukrayna münaqişəsinin tənzimlənməsinə dair sülh planı ilə çıxış edib.
