Astanada Qazaxıstan prezidenti Kasım-Jomart Tokayevlə Ermənistanın baş naziri Nikol Paşinyan arasında danışıqlar olub.
Görüşü açan Kasım-Jomart Tokayev qeyd edib ki, Nikol Paşinyanın rəsmi səfəri strateji tərəfdaşlığın inkişafına təkan verəcək.
Ermənistanın baş naziri dəvətə görə təşəkkür edib və bu səfərin ikitərəfli münasibətlərdə yeni dövr açacağını vurğulayıb. O, əvvəllər imzalanmış sazişləri xatırladıb. Səfər zamanı bir sıra mühüm sənədlərin imzalanması planlaşdırılır.
"İnanıram ki, münasibətlərimizdə bu yeni era ötən il Ermənistan Respublikasına rəsmi səfərinizlə başladı. Bundan sonra biz bir sıra mühüm sazişlər imzaladıq, onların bəziləri artıq icra olunub, digərləri isə icra mərhələsindədir. Qazaxıstanda rəsmi səfərdə olmaq mənim üçün böyük şərəfdir", - Paşinyan deyib.
