Rusiyanın hava hücumundan müdafiə sistemləri ötən gecə Ukrayna ordusunun hava hücumunu dəf edərək 30-dan çox pilotsuz uçan aparatı vurub.
Bu barədə Rusiya Müdafiə Nazirliyi məlumat yayıb.
“Noyabrın 20-də saat 23:00-dan 21 noyabr səhər saat 7:00-a qədər hava hücumundan müdafiə sistemləri Ukraynaya məxsus 33 təyyarə tipli pilotsuz uçuş aparatını ələ keçirib və məhv edib”, - nazirlik bildirib.
Bildirilir ki, Ukrayna Silahlı Qüvvələri Smolensk və Rostov vilayətlərinin hər birinə yeddi, Belqorod vilayətində isə altı PUA buraxıb. Qara dənizdə 5 hava hədəfi məhv edilib. Daha dörd pilotsuz təyyarə Krıma hücum etməyə cəhd edib. Voronej və Krasnodar vilayətlərində iki pilotsuz təyyarə məhv edilib.
