“ABŞ dövlət katibinin müavini Alison Hukerin Ermənistana səfərinin məqsədi “Tramp marşrutu”nun (Zəngəzur dəhlizi) həyata keçirilməsi üçün dəqiq vaxt qrafikini müəyyən etməkdir”.
Bu barədə Ermənistanın Niderlanddakı keçmiş səfiri Dzyunik Ağacanyan deyib.
Ağacanyan hesab edir ki, “Tramp marşrutu” məsələsini həll etməsi üçün Ermənistan hakimiyyətinə yanvar ayının ortalarına qədər vaxt verəcəklər.
“İstisna deyil ki, növbədənkənar seçkilərin keçirilməsi məsələsi də müzakirə olunsun. Çünki hakimiyyət anlayır ki, zaman keçdikcə nüfuzu azala, 2026-cı ilin may ayına qədər problemlər baş verə bilər. Bu ayın sonuna kimi Ermənistanda növbədənkənar seçkilərin keçirilib-keçirilməyəcəyi aydınlaşacaq. Qərb “Tramp marşrutu” layihəsini maksimum qısa müddətdə həyata keçirmək niyyətindədir, bu, Ermənistan daxilindəki siyasi proseslərə də təsir edir”, - o iddia edib.
