Ermənistanın Təhlükəsizlik Şurasının katibi Armen Qriqoryan İrəvanda səfərdə olan Azərbaycan vətəndaş cəmiyyəti nümayəndələri ilə görüşüb.
Görüşdə Ermənistan vətəndaş cəmiyyəti nümayəndələri də iştirak edib.
Qriqoryan sülh prosesinin inkişafı üçün vətəndaş cəmiyyəti institutları arasında belə görüşlərin keçirilməsinin vacibliyini bildirib. Vaşinqton razılaşmaları və onun icrası istiqamətində atılan addımlar müzakirə olunub. Daha sonra Qriqoryan iştirakçıların suallarını cavablandırıb.
21-22 oktyabr tarixində erməni və azərbaycanlı ekspertlərin İrəvanda dəyirmi masası keçirilib.
Dəyirmi masada Azərbaycanı Fərhad Məmmədov, Rusif Hüseynov, Ramil İsgəndərli, Kəmalə Məmmədova və Dilarə Əfəndiyeva, Ermənistanı isə Areq Koçinyan, Boris Navasardyan, Naira Sultanyan, Narek Minasyan və Samvel Meliksetyan təmsil edib.
