Ürək-damar xəstəlikləri bütün dünyada, xüsusən də 45-55 yaş arası kişilər arasında əsas ölüm səbəbi olaraq qalır. Bu, nə ilə bağlıdır və niyə kişilər xüsusi risk altındadır?
Bu barədə rusiyalı kardioloq Natalya Qavrilyuk KP.ru-ya müsahibəsində danışıb.
"Demək olar ki, kişi olaraq doğulmaq artıq kardioloqa müraciət etmək üçün ilk addımdır. Bu, əsasən hormonal statusun xüsusiyyətləri ilə, ilk növbədə kişi cinsi hormonları ilə bağlıdır", - deyə Natalya Qavrilyuk izah edib.
Həkim əlavə edib ki, oğlanlarda erkən yaşlardan daxili gərginlik və məsuliyyət daha yüksək səviyyədə inkişaf edir. Onlara emosiyaları ifadə etmək qadağan edilir, ona görə də daxildə stres yığılır.
Onun sözlərinə görə, bu yığılmış stres ona gətirib çıxarır ki, bir çoxları alkoqol və siqaret vasitəsilə rahatlamaq üsulları axtarırlar. Bu vərdişlər damar və ürək problemlərini daha da artırır. Bundan əlavə, kişilər çox vaxt həkim ziyarətlərini gecikdirir və müalicəyə gec başlayır ki, bu da infarkt və insultları onlar üçün daha gözlənilməz və ölümcül edir.
