Biz ABŞ prezidentinin vasitəçiliyi ilə Azərbaycan və Ermənistan arasında münasibətlərin normallaşmasını alqışlayırıq.
Bunu Qazaxıstan prezidenti Kasım-Jomart Tokayev BMT Baş Assambleyasının 80-ci sessiyasında deyib.
"Bu sübut edir ki, hətta uzun müddətdir davam edən münaqişələr də diplomatiya və sağlam düşüncə yolu ilə həll oluna bilər. Bu prinsipi rəhbər tutan Qazaxıstan ardıcıl olaraq eskalasiya üzərində diplomatiyanın, güc üzərində dialoqun tərəfdarıdır", - deyə Tokayev bildirib.
O, çıxışının davamında qeyd edib ki, mövcud geosiyasi gərginlik bəzən bəzi liderləri sivilizasiyaların toqquşmasının qaçılmaz olduğunu iddia etməyə sövq edir, lakin bu bölgü tale deyil, siyasi seçimdir.
