“Yaşıl dünya, Parlaq sabahlar” layihəsi qalib oldu
Elm və Təhsil Nazirliyinin təşkil etdiyi Təhsildə inkişaf və innovasiyalar üzrə IX qrant müsabiqəsində Dağlıq Şirvan Regional Təhsil İdarəsinin İsmayıllı rayon Cülyan kənd tam orta məktəbinin ingilis dili müəllimi Bayramov Şərafət Təhmuraz oğlu qalib adını qazanıb.
Müəllimin təqdim etdiyi “Yaşıl dünya, Parlaq sabahlar” layihəsi məktəblilərdə ekoloji şüurun formalaşdırılmasını, ətraf mühitin qorunmasına diqqətin artırılmasını və şagirdlərdə məsuliyyət hissinin inkişaf etdirilməsini hədəfləyir.
Müəllim Şərafət Bayramov layihə haqqında danışarkən bildirib:
“Bu uğur təkcə mənim deyil, bütün kollektivimizin zəhmətinin nəticəsidir. Əsas məqsədimiz gənc nəslə təbiəti sevdirmək və onları ekoloji cəhətdən savadlı vətəndaşlar kimi yetişdirməkdir.”
