Ermənistanda 2026-cı il seçkiləri öncəsi böyük hadisələrin olacağı gözlənilir.
Bu barədə erməni siyasətçi Suren Surenyants deyib.
Onun iddiasına görə, Paşinyan seçkiqabağı dövrdə hərbçilərin sayının azaldılması ilə əldə etdiyi vəsaiti pensiyaların artırılmasına ayıracaq.
“Bizdə əsgər çatışmazlığı olmasaydı, Ermənistan Könüllülər Birliyinin üzvü olan 60 yaşdan yuxarı kişilər xidmətə getməzdilər. Ordunu ixtisar edən Paşinyan bununla sosial məsələlərə vəsait ayırır, eyni zamanda, Azərbaycan və Türkiyənin tələbini icra edir. Fikrimcə, hadisələr Ermənistanda Nepal düsturunun tətbiqinə doğru aparır. Sünikdə (Zəngəzur) “Tramp yolu” (Zəngəzur dəhlizi) nəyinsə partlamasına gətirib çıxaracaq və orada baş verən “zəlzələ” İrəvanda hiss olunacaq”, - o iddia edib.
