Azərbaycan Qida Təhlükəsizliyi İnstitutu publik hüquqi şəxsi 4 ədəd Lexus ES 300h 2.5L Hibrid Executive xidməti minik avtomobilinin servis xidmətlərinin satın alınması üçün elan etdiyi tenderin qalibi ilə müqavilə bağlayıb.
Via.az 32gun.az-a istinadən xəbər verir ki, qalib şirkət “Lexus-Bakı” MMC ilə bağlanan müqavilənin məbləği 10 min 304 manat təşkil edir.
Qalib şirkətin nizamnamə kapitalı 1000 manatdır, onun qanuni təmsilçisi isə Pərviz Qafarlı Mahmud oğludur.
Qeyd edək ki, Azərbaycan Qida Təhlükəsizliyi İnstitutunun rəhbəri Əli Tahir oğlu Nəbiyevdir.
