Azərbaycanda İnsanın İmmunçatışmazlığı Virusuna (İİV) ilk dəfə yoluxanların sayı artıb.
Bu barədə məlumat “Azərbaycanda səhiyyə, sosial müdafiə və mənzil şəraiti” statistik məcmuəsində dərc olunub.
Məlumata görə, 2024-cü ildə ilk dəfə İİV-ə yoluxanların sayı 2023-cü illə müqayisədə artaraq 1152-ə çatıb. 2023-də isə bu rəqəm 886 nəfər olub.
Statistik rəqəmlərdən görünür ki, ümumilikdə Azərbaycanda İİV-in törətdiyi xəstəliklə tibb müəssisələrində qeydiyyatda olanların sayında da artım var.
2024-cü ildə tibb müəssisələrinə bu xəstəliklə müraciət edənlərin sayı 11 844 nəfər təşkil edibsə, 2023-cü ildə isə bu göstərici 10 692 nəfər olub.
2024-cü ildə 18 yaşına çatmamış 3 nəfərdə İİV aşkarlanıb.
Qeyd edək ki, əvvəlki illərdə bu rəqəm 1 nəfər təşkil edib.
