İsmayıllı Rayon İcra Hakimiyətinin, İsmayıllı Dövlət Peşə Təhsil Mərkəzində Dağlıq Şirvan Regional Gənclər və İdman İdarəsinin təşkilatçılığı, İsmayıllı Dövlət Peşə Təhsil Mərkəzinin, İsmayıllı Uşaq və Ailələrə Dəstək Mərkəzinin və İsmayıllı Rayon Polis Şöbəsinin dəstəyi ilə “26 İyun- Narkomaniya və Narkobiznesə qarşı Beynəlxalq Mübarizə Günü” ilə əlaqədar olaraq “Narkomaniyaya yox deyək” mövzusunda tədbir keçirilib.
İlk öncə şagirdlərin narkomaniyanın fəsadları barədə maarifləndirilməsi üçün mövzuya uyğun film nümayiş etdirilib. Daha sonra tədbirdə çıxış edənlər mövzu ətrafında geniş məlumat verdilər.
Tədbirdə Dağlıq Şirvan Regional Gənclər və İdman İdarəsinin, İsmayıllı Dövlət Peşə Təhsil Mərkəzinin, İsmayıllı Rayon İcra Hakimiyətinin, İsmayıllı Uşaq və Ailələrə Dəstək Mərkəzinin, İsmayıllı rayon Mərkəzi Xəstəxanasının, İsmayıllı Rayon Polis Şöbəsinin əməkdaşları və İsmayıllı Dövlət Peşə Təhsil Mərkəzinin şagirdləri iştirak ediblər.
Tədbirin keçirilməsində məqsəd gənclərdə narkomaniya və onun fəsadları haqqında düzgün təsəvvürlərin formalaşdırılması, bu sahədə gənclərin məlumatlılıq səviyyəsinin artırılması, narkotik vasitələrin təsirindən uzaq tutmağa təşviq etmək, həmçinin sağlam həyat tərzinin təbliği olmuşdur.
