Dietoloq həddən artıq duzlu və turş yeməklərin acı nəticələrindən danışıb.
Diyetoloq Yekaterina Markovanın sözlərinə görə, həddindən artıq duz təhlükəli pozğunluqların və xəstəliklərin riskini artırır.
Çox insanlar hər cür duzlu qəlyanaltıları sevdiklərini etiraf edirlər və evdə hazırlanmış konservlər arasında turşular liderdir.
Bunlardan biri ürək-damar xəstəlikləri, ilk növbədə hipertoniya riskinin yüksək olmasıdır.
Mütəxəssisin fikrincə, həddindən artıq natrium istehlakı orqanizmin kalium ehtiyatlarını tükəndirir, bu da damarlarda yüksək təzyiq ehtimalını artırır.
Həddindən artıq duzlu pəhrizin başqa bir nəticəsi kalsiumun yuyulmasıdır.
"Natrium xlorid kalsium və digər elektrolitləri süzür, bu da dayaq-hərəkət sisteminin fəaliyyətinin, saçın, dişlərin və dırnaqların vəziyyətinin tədricən pisləşməsinə səbəb olur" deyə mütəxəssis xəbərdarlıq edib.
Markova həmçinin orqanizmə çoxlu miqdarda duzun daxil olmasının böyrək və mədə-bağırsaq traktında problemlərin yaranmasına kömək etdiyinə diqqət çəkib.
Dietoloq xatırladıb ki, duz su tutmasına səbəb olur və bu, böyrəklər üçün əlavə bir yükə çevrilir - onların filtrasiya funksiyası əhəmiyyətli dərəcədə zəifləyir. Nəticədə, bədəndə protein parçalanma məhsullarının və toksinlərin konsentrasiyası artır - bu da öz növbəsində onu iltihab və əlaqəli xəstəliklərə həssas edir.
Duzdan sui-istifadə ilə mədə-bağırsaq traktının vəziyyətində mümkün sapmalara gəlincə, ekspert qeyd etdi: duzlu qidaların ən qızğın həvəskarları vərdişləri ilə özlərini xərçəngin inkişafına gətirə bilərlər.
"Məhdudsuz duz istehlakı xora və qastritə səbəb ola bilər. Əgər bu xəstəliklər müalicə olunmazsa və düzgün olmayan qidalanmaya davam etsəniz, bunun nəticəsi mədə və ya onikibarmaq bağırsaq xərçəngi ola bilər".
