Bu bayram İslam dini üzrə hicri təqvimin Zilhiccə ayının 10-cu günü qeyd olunur və Həcc ziyarətinin əsas mərhələlərindən biri ilə üst-üstə düşür. Bayramın əsas mahiyyəti Allaha itaət, fədakarlıq və paylaşmaq ruhudur.
Qurban Bayramı Qurani-Kərimdə də bəhs olunan bir hadisəyə əsaslanır: Allah-Təala İbrahim peyğəmbərin Allaha olan sədaqətini sınamaq üçün ona oğlunu qurban verməyi əmr edir. İbrahim peyğəmbər bu əmri tərəddüdsüz qəbul edir və oğlu İsmayıl da itaətlə razılaşır. Lakin Allah onların bu sədaqətini gördükdə, qurban olaraq bir qoç göndərir. Bu hadisə İslamda fədakarlığın, imanın və itaətin rəmzi kimi qəbul edilir.
Səfər Əlirzayev,
Xeyriyyəçi- İş adamı
