16 may 2025-ci il tarixində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə Qobustan İdman Kompleksində "İdman hamı üçün" layihəsi çərçivəsində stolüstü tennis üzrə nümunəvi çıxışlar təşkil olunub.
Azərbaycan Stolüstü Tennis Federasiyasının nümayəndəsi Rəfail Məmmədlinin rəhbərliyi altında keçirilən tədbirdə 20 nəfər həvəskar iştirak edib.
Stolüstü tennis üzrə nümunəvi çıxışların keçirilməsində məqsəd yeniyetmə və gənclər arasında stolüstü tennis idman növünə marağın artırılması, bu idman növünün inkişaf etdirilməsi, idman oyunlarının kütləviliyinin yüksəldilməsi, sağlam həyat tərzinin təbliği olunması, gənclərin fiziki sağlamlıqlarının möhkəmləndirilməsi və asudə vaxtın səmərəli təşkilidir..
#gənclərvəidmannazirliyi #birkimibirlikdə #AZEsport
