Yüksək xolesterolla bağlı daha bir mif dağıdılıb.
Tibb elmləri doktoru, dietoloq Aleksandra Ginos "WellnessPulse"a xolesterolu azaldan xüsusi pəhriz növü olmadığını bildirib.
Onun sözlərinə görə, meyvə, tərəvəz, balıq və az yağlı süd məhsulları ilə zəngin qidalanmaq qanda xolesterinin səviyyəsini xüsusi pəhrizlərdən daha effektiv şəkildə aşağı salır.
Mütəxəssis aydınlaşdırıb ki, ürək-damar sisteminin sağlamlığı xolesterolun səviyyəsindən asılıdır. Həddindən artıq aşağı sıxlıqlı lipoprotein (LDL) xolesterolu ürək xəstəliyi və insult riskini artırır.
Dietoloqun fikrincə, qanda LDL xolesterinin səviyyəsini normallaşdırmaq üçün müəyyən qida qruplarını tamamilə aradan qaldırmağı tələb edən pəhrizlərə deyil, uzunmüddətli sağlam qidalanma strategiyasına riayət etmək lazımdır.
Dr. Ginos xüsusi diqqət yetirilməsi lazım olan iki məqam olduğunu izah edib:
Birincisi, pəhrizdə tərəvəz, meyvə, göyərti, balıq, quş əti, qoz-fındıq və az yağlı süd məhsullarının nisbətinin artırılması vacibdir.
İkincisi, bir neçə növ qidanın - qırmızı ətin, şirniyyatların, yüksək şəkərli içkilərin, "tropik" yağların (palma, kokos) və qızardılmış qidaların istehlakı məhdudlaşdırılmalıdır.
Bu meyarlara cavab verən istənilən pəhriz “pis” xolesterinin səviyyəsini azaltmağa kömək edir.
Həkim onu da əlavə edib ki, "arzuolunmaz" məhsullardan tamamilə imtina etmək o qədər də vacib deyil - onların az miqdarda istehlakı sağlamlığınıza zərər verməyəcək.
