Sərhəddə mütəmadi olaraq atəşkəsi pozan Ermənistan “təlim-məşq toplantısı” adı altında ehtiyatda olan hərbçiləri toplayır.
Ermənistan hökuməti ehtiyatda olan hərbçilərin 25 günlük təlim-məşq toplantısının keçirilməsi ilə bağlı qərar qəbul edib.
Təlimlər 25 gün nəzərdə tutulsa da, toplantının 2 ay (15 aprel-15 iyun) olacağı diqqət çəkir. Ermənistan bu təlimlərin ənənəvi olduğunu bildirsə də, son dövrlər sərəhəddə baş verən təxribatlar fonunda diqqət çəkir.
İstisna deyil ki, ehtiyatda olan hərbçilərin təlim adı ilə xidmətə çağırılması canlı qüvvə çatışmazlığını aradan qaldırmaq və növbəti təxribat hücumlarına hesablanıb. Daha öncə Ermənistanın sərhəd hücumları zamanı ölən erməni hərbçilər arasında təlim adı ilə orduya cəlb edilənlərin olması da bu gözləntini artırır.
