15 mart 2025-ci il tarixində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə Rəşid Behbudov adına Qobustan şəhər Uşaq İncəsənət Məktəbində “Novruz” bayramı münasibətilə rəsm müsabiqəsi keçirilib.
Müsabiqədə İncəsənət məktəbinin rəsm kursunun 20 nəfər fəal şagirdləri iştirak ediblər.
Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təyin etdiyi Münsiflər heyəti tərəfindən yeniyetmə və gənclərin mövzu ilə bağlı çəkdikləri rəsmlər qiymətləndirilib.
Yekun nəticəyə əsasən yeniyetmələr arasında Xəlilova Mahirə, Rəsulova Zəhra, Həsənli Telman gənclər arsında isə Cəbrayıllı Raziyə, Ağalıyeva Aysu və Kamallı Aişə müvafiq olaraq I, II III yerlərə layiq görülüblər.
Sonda müsabiqənin qalibləri Dağlıq Şirvan Regional Gənclər və İdman İdarəsi tərəfindən diplom və sertifikatlarla təltif olunublar.
Müsabiqənin keçirilməsində əsas məqsəd "Novruz” bayramının qeyd olunması, təsviri incəsənət sahəsində istedadlı, yaradıcı yeniyetmə və gənclərin aşkara çıxarılması olmuşdur.
#AZEgənclər #AZEidman #birkimibirlikdə
