Mart ayının 11-də Mərkəzi Aran Regional Təhsil İdarəsi tərəfindən idarənin tabeliyində fəaliyyət göstərən ümumi təhsil müəssisələrinin rəhbərlərinin iştirakı ilə görüş keçirilib. Görüşün məqsədi Məktəbəqədər və Ümumi Təhsil üzrə Dövlət Agentliyinin təsdiq etdiyi fəaliyyət planına uyğun olaraq məktəblərdə şagird şuralarının yaradılmasını təmin etmək, eləcə də keyfiyyət inspeksiyasının nəticələrinin təhlili və çərçivə sənədinin müzakirəsi olub.
Tədbir zamanı müəssisə rəhbərlərinə şagird şuralarının təşkili və fəaliyyət prinsiplərinə dair idarə tərəfindən hazırlanmış nümunəvi əsasnamə təqdim edilib. Qeyd edək ki, ilkin mərhələdə şagird şuraları pilot layihə çərçivəsində idarənin tabeliyində olan 7 ümumi təhsil müəssisəsində yaradılacaq. Bu şuraların effektiv fəaliyyətinə kömək məqsədilə rayonlar üzrə yerli təhsil sektorları müvafiq dəstəyi göstərəcəklər. Gələcəkdə şagird şuralarının daha çox məktəbdə yaradılması planlaşdırılır.
Bundan əlavə, görüş çərçivəsində müəssisə rəhbərlərinə son üç il ərzində aparılmış keyfiyyət inspeksiyalarının nəticələri əsasında hazırlanmış çərçivə sənədi təqdim edilib. Daha sonra görüş müəssisə rəhbərlərinin qarışılıqlı müzakirəsi ilə davam edib.
#MərkəziAranRTİ #RTİ #ŞagirdŞuraları
