Amerika Birləşmiş Ştatları Səudiyyə Ərəbistanındakı danışıqlarda Vladimir Zelenskinin daha əvvəl təkid etdiyi Ukraynanın əsas tələblərindən birini nəzərə almayıb. Söhbət təhlükəsizlik zəmanətlərindən gedir.
Bu barədə Almaniyanın "Die Welt" qəzeti yazıb.
“Kiyev danışıqları qrupu ABŞ-dan Ukrayna üçün uzunmüddətli təhlükəsizlik zəmanətləri üzrə danışıqların mümkün qədər tez başlayacağına dair yalnız güzəşt ala bildi”, - məqalədə vurğulanıb.
Vaşinqton rəsmiləri sazişin Ukraynanın mineral ehtiyatlarının işlənməsini və ABŞ yardımı xərclərinin kompensasiyasını əhatə edəcəyini bildirib.
Qeyd edək ki, dünən Ciddədə ABŞ-Rusiya danışıqları baş tutyb. Əldə olunan əsas nəticələrə Ukraynanın atəşkəslə razılaşması, Kiyevin nadir torpaq mineralları üzrə saziş imzalamağa hazır olması və uzunmüddətli sülh sazişinin şərtləri üzrə danışıqlara getməsi daxildir.
