Oksford Universitetinin alimləri müəyyən ediblər ki, çərəzlər, kruvasanlar, tortlar və doymuş yağları yüksək olan digər qidalar müntəzəm olaraq istehlak edildikdə bir neçə həftə ərzində orqanizmdə mənfi dəyişikliklərə səbəb ola bilər.
Belə qidalanma "pis" xolesterinin səviyyəsini artırır və qaraciyərdə yağlanmanın faizini artırır.
"Ən mühüm tapıntı təhlükəli dəyişikliklərin nə qədər tez baş verməsidir", - aparıcı tədqiqatçı Nikola Srnik deyib.
Alimlərin qənaətləri 24 könüllünün iştirak etdiyi eksperimentə əsaslanır. İnsanlar iki qrupa bölünüblər: birincilər doymuş yağlarla zəngin qidalar (kolbasa, kərə yağı, bişmiş məmulatlar, şokolad) yeyiblər, ikincilər isə balıq, zeytun yağı və qoz-fındıqdan yağlar qəbul ediblər.
Bir neçə həftədən sonra birinci qrupda ürək-damar və metabolik xəstəliklər, eləcə də 2-ci tip diabet təhlükəsi riski artıb. İkinci qrupun göstəriciləri, əksinə, yaxşılaşıb və "pis" xolesterolun göstəriciləri 10% azalıb.
