Əvvlcə vətəndaşlara adi nömrə ilə zəng edirlər... Sonra video görüntünün açılmasının vacib olduğunu bildirilər, ardınca da şəxsin üz görüntüsünü əldə edərək, dələduzluq edirlər...
İnformasiya Texnologiyaları üzrə müxtəxəssis Elvin Abbasov deyir ki, bu üsulla süni intellektdən istifadə edərək şəxsin adından videolar düzəltmək mümkündür və dələduzlar da bunu icra edirlər.
Elvin Abbasov deyir ki, görüntü vasitəsilə şəxslərin adına banklardan kredit götürmək və ya bank kartlarından dələduzluq etmək isə mümkün deyil..
Məsələ ilə bağlı Daxili İşlər Nazirliyi ilə əlaqə saxladıq. Nazirliyin Mətbuat Xidmətindən "Xəzər Xəbər"ə bildirildi ki, vətəndaşlara naməlum nömrələrdən gələn zənglərə və mesajlara qarşı diqqətli olmağı, sosial şəbəkələrdə qeyri-etik, müzakirələrə səbəb olacaq münasibətlərdən, tanımadıqları və ya etibar etmədikləri şəxslərlə görüntülü kommunikasiyadan çəkinmək tövsiyə edilir.
