Dağlıq Şirvan Regional Təhsil İdarəsinin və Azad Həmkarlar İttifaqının Şamaxı Rayon Komitəsinin birgə təşkilatçılığı ilə 2 fevral-Gənclər Gününə həsr edilən tədbir keçirilib.
Tədbirdə Yeni Azərbaycan Partiyasının Şamaxı Rayon Təşkilatının sədri Tural Qasımlı, Dağlıq Şirvan Regional Təhsil İdarəsinin İnzibati Təşkilat Sektorunun müdiri Xalid Yaqubov, ATİAHİ-nin Şamaxı rayon komitəsinin sədri Fuad Nəsirov, Şamaxı Rayon Təhsil Sektorunun müdiri Məsud Babayev, təhsil müəssisələrinin rəhbərləri və müəllimlər iştirak etmişdir.
Çıxış edən qonaqlar gənc təhsil işçilərini təbrik edərək, onlara gələcək həyatlarında uğurlar arzulayıblar.
Daha sonra sertifikasiya və MİQ imtahanlarında yüksək nəticə göstərən, eləcədə təhsil sahəsində müxtəlif sahələr üzrə fərqlənən gənc müəllimlərə Fəxri Fərman və hədiyyə təqdim edilmişdir.
Tədbirin bədii hissəsində Şamaxı Rayon Uşaq-Gənclər İnkişaf Mərkəzinin dərnək üzvləri tərəfindən mahnı və rəqs nömrələri təqdim edilmişdir.
#MÜTDA #EduAz #DağlıqŞirvanRTİ #2Fevral #GənclərGünü #Tədbir
