veten informasiya agentliyi

Tehrandakı səfirliyimizə terror hücumundan iki il ötür

Tarix:27-01-2025, 10:47
Baxış Sayı:21

Tehrandakı səfirliyimizə terror hücumundan iki il ötürAzərbaycanın İranın paytaxtı Tehrandakı səfirliyinə terror hücumundan iki il ötür.

27 yanvar 2023-cü il tarixində Bakı vaxtı ilə səhər saat 8:30-da səfirliyimizə terror hücumu olub. Terroru törədən İran vətəndaşı Yasin Hüseynzadə “Kalaşnikov” markalı avtomat silahla mühafizə postunu yararaq mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin əməkdaşları Vasif Tağıyev və Mahir İmanov hücumun qarşısını alarkən yaralanıblar.

Azərbaycan Xarici İşlər Nazirliyi yanvarın 30-da səfirliyin əməkdaşlarını Tehrandan təxliyə edib və səfirliyin fəaliyyəti dayandırılıb. Hücum aktı ilə bağlı Azərbaycan Dövlət Təhlükəsizlik Xidmətində Azərbaycan Cinayət Məcəlləsinin müvafiq maddələri ilə cinayət işi başlanıb.

Orxan Əsgərov İkinci Şəhidlər xiyabanında dəfn edilib. 3 fevral 2023-cü ildə Azərbaycan Respublikası Prezidentinin Sərəncamı ilə Əsgərov Orxan Rizvan oğlu (ölümündən sonra) "Vətən uğrunda" medalı ilə təltif edilib. Tağıyev Vasif Natiq oğlu 1-ci dərəcəli “Rəşadət” ordeni ilə, İmanov Mahir Kamil oğlu “Vətən uğrunda” medalı ilə təltif edilib.

Hadisədən sonra Azərbaycanın Tehrandakı səfirliyinin fəaliyyəti dayandırılıb. Azərbaycanın İrandakı səfirliyinin əməkdaşları və ailə üzvləri 29 yanvar 2023-cü il tarixində Tehrandan Bakıya təxliyə olunub.

İki dövlət arasında aparılmış danışıqlar nəticəsində 15 iyul 2024-cü il tarixindən etibarən Azərbaycanın İrandakı səfirliyi yeni ünvanda fəaliyyətini bərpa edib, səfir və səfirliyin heyəti İrana geri dönüb.

Terror aktını törədən Yasin Hüseynzadənin isə iki il ərzində məhkəməsi keçirilib. Məhkəmədən sonra İran Ədliyyə Nazirliyi onun barəsində edam hökmünün çıxarıldığı barədə məlumat yayıb. İran Ali Məhkəməsi səfirliyə hücum edən şəxslə bağlı ölüm hökmünü təsdiqləyib və iş Tehrana cinayət hökmlərinin icrasına göndərilib.

İnformasiyaya əsasən, məhkəmə zərərçəkənlərin yaxınlarını dəvət edəcək. Onlar edamın icrasını tələb etdikləri halda, cinayət işi icra olunması üçün əlaqədar quruma göndəriləcək.

Tapılması üçün 10 milyon mükafat vəd edilən hindistanlı turistin qalıqları Zaqatalada aşkarlandı
Tapılması üçün 10 milyon mükafat vəd edilən hindistanlı turistin qalıqları Zaqatalada aşkarlandı
Bu gün vergi xidməti əməkdaşlarının peşə bayramıdır
Bu gün vergi xidməti əməkdaşlarının peşə bayramıdır
Vəfat edən şəxsin pensiya kapitalını vərəsələri ala bilər?
Vəfat edən şəxsin pensiya kapitalını vərəsələri ala bilər?
Moskvaya zərbə: Ermənistan Rusiyanın Azərbaycanla danışıqlarda vasitəçiliyini rədd etdi
Moskvaya zərbə: Ermənistan Rusiyanın Azərbaycanla danışıqlarda vasitəçiliyini rədd etdi
Daha bir bölgədə müharibə riski: ABŞ sualtı qayıq göndərdi - Bu ölkə xəbərdarlıq etdi
Daha bir bölgədə müharibə riski: ABŞ sualtı qayıq göndərdi - Bu ölkə xəbərdarlıq etdi
Nazirlikdən əsgər valideynlərinə daha bir çağırış
Nazirlikdən əsgər valideynlərinə daha bir çağırış
Saleh Məmmədova yeni müavin təyin edildi
Saleh Məmmədova yeni müavin təyin edildi
"Rus Evi" onun adından yayılan saxta sənədlərlə bağlı bəyanat yaydı