27 dekabr 2024-cü il tarixdə Şəki şəhər M.F.Axundzadə adına Mədəniyyət Mərkəzinin tabeliyində fəaliyyət göstərən S.Vurğun adına şəhər Folklor evinin və Dini Qurumlarla İş üzrə Dövlət Komitəsinin Şəki Regional Bölməsinin birgə təşkilatçılığı ilə 31 dekabr Dünya Azərbaycanlılarının Həmrəylik Günü münasibəti ilə " Ulu öndər və həmrəyliyimiz " adlı ədəbi-bədii gecə keçirilib.
S.Vurğun adına şəhər Folklor evində baş tutan tədbirdə Şəki-Zaqatala Regional Mədəniyyət İdarəsinin, Dini Qurumlarla İş üzrə Dövlət Komitəsinin Şəki Regional Bölməsinin əməkdaşları, Şəki şəhər M.F.Axundzadə adına Mədəniyyət Mərkəzinin və Şəki şəhər MKS rəhbərləri çıxış ediblər.
Çıxış edənlər bu günün təsis edilməsindən, Ulu Öndərin Həmrəylik Gününü təsis etməklə xalqın birləşməsinə və ideoloji həmrəyliyinə müvəffəq olmasından, bu günün milli birlik, Azərbaycana məhəbbət, milli-mənəvi dəyərlərimizə hörmət, Vətənə bağlılıq hisslərini özündə təcəssüm etdirməsinsən bəhs ediblər.
Tədbirdə mədəniyyət işçiləri, müəllimlər və içtimaiyyət nümayəndələri iştirak edib.
#31dekabr #həmrəylik #mədəniyyət
