Yaradıcı Media Məktəbinin növbəti təlimləri Şamaxıda davam edir. Azərbaycan Respublikası Mədəniyyət Nazirliyinin təşkilatçılığı və Yaradıcı Mərkəzin dəstəyi ilə keçirilən bu proqram gənclərin yaradıcı potensialını artırmaq və rəqəmsal media alətlərindən peşəkar şəkildə istifadəni təşviq etmək məqsədi daşıyır.
Təlim proqramı müxtəlif mövzuları əhatə edir:
- Mədəni və yaradıcı sənaye trendlərinin araşdırılması
- Məqalə və ssenari yazısı, podkastlar, vizual hekayələr
- Sosial media və rəqəmsal platformalarda effektiv strategiyalar
- Analitik bacarıqlar, faktların dəqiqləşdirilməsi
- Medianın əsasları: fotoqrafiya, videoqrafiya, montaj alətləri
- Foto və videoçəkilişlər, montaj işləri
Təlimlərin bir hissəsi Yaradıcı Mərkəzdə baş tutub və iştirakçılar hazırda təcrübə proqramına Şamaxıda davam edirlər. Bugünkü nəzəri və praktiki mərhələlərdə tələbələr öyrəndiklərini tətbiq edərək fərqli kontentlər hazırlayırlar.
Təlimlər peşəkar rejissorlar, videoqraflar və fotoqraflar tərəfindən aparılır. Proqramın əsas hədəfi gənclərin hazırladıqları məzmunlara daha yaradıcı yanaşmanı təşviq etmək və rəqəmsal texnologiyaları praktik şəkildə tətbiq etmələrinə dəstək olmaqdır.
Təlimlər 15 dekabradək davam edəcək.
#MədəniyyətNazirliyi #mədəniyyət
