Mərkəzi Aran Regional Mədəniyyət İdarəsi tərəfindən “Yaşıl dünya naminə həmrəylik ili” münasibətilə təşkil edilən “Mənim yaşıl dünyam” adlı rəsm müsabiqəsinin final mərhələsi 10 dekabr 2024-cü il tarixində Mingəçevir şəhər Heydər Əliyev Mərkəzində baş tutub.
Mingəçevir şəhəri, Ağdaş, Göyçay, Kürdəmir, Ucar, Yevlax və Zərdab rayonlarında baş tutan seçim mərhələsində fərqlənən namizədlərdən 46 nəfəri final mərhələsində iştirak edib.
Final mərhələsində iştirakçılar mütəxəssislərdən ibarət münsiflər heyəti tərəfindən qiymətləndirilib.
Xatırladaq ki, müsabiqənin birinci - seçim mərhələsi 27-28 noyabr 2024-cü il tarixlərində keçirilib. Xüsusi bacarığa malik olan uşaqların yaradıcılıq qabiliyyətlərinin inkişaf etdirilməsi, məktəbdənkənar vaxtlarının səmərəli keçirilməsi, bədii-estetik zövqünün tərbiyə edilməsi, yeni istedadların üzə çıxarılması məqsədi ilə təşkil edilən müsabiqədə 6-17 yaş arası namizədlər üç yaş qrupunda (6-9 yaş, 10-13 yaş, 14-17 yaş) iştirak ediblər.
Qeyd edək ki, yaxın günlərdə müsabiqə qaliblərinin mükafatlandırılma mərasimi keçiriləcək.
#Azərbaycan #MərkəziAranRMİ #YaşılDünyaNaminəHəmrəylikİli #rəsmmüsabiqəsi
