Türkiyə hər zaman Suriyada sülhün, ədalətin və dialoqun tərəfdarı olub.
Bunu Türkiyə Prezidenti Rəcəb Tayyib Ərdoğan Prezident Kompleksində keçirilən hökumət iclasından sonra deyib.
Suriyada baş verən son dəyişikliklərə toxunan Ərdoğan, 13 illik vətəndaş müharibəsinin yeni mərhələyə keçdiyini və BƏƏS rejiminin süqut etdiyini bildirib. O vurğulayıb ki, Türkiyə hər zaman Suriyada sülhün, ədalətin və dialoqun tərəfdarı olub və Suriyanın ərazi bütövlüyünü müdafiə edib.
“Tarix və coğrafiya bizə öhdəliklərimizi xatırladır. Biz həmişə qonşularımıza yardım etməyə hazır olmuşuq. Suriyadakı dəyişikliklər bütün suriyalılar, xüsusilə də qaçqınlar üçün müsbət nəticələr verəcək,” – deyə, o vurğulayıb.
